Is wo a Landl/text

Text für „Is wo a Landl“

Is wo a Landl, net z’groß und net z’kloan; åba für uns akrat recht wiar i moan. S’Lånd håt vier Viertel, sunst wars jå net ganz; und wos di hindrahst, a niads voller Glånz. Daß d’net lång råtn muaßt, Brüaderl, i nenns: 1-6: Des is mein Österreich unter der Enns, des is mein Österreich unter der Enns.

Mostviertl låcht wiar a Kinerl im Tram: rundum de Baurnhöf, de blüahradn Bam, Ötscher und Sunntaberg stengan in Ruah, guckan in Leutn ban Årbeitn zua. Woast, wo des Fleckerl is? Brüaderl, i kenns:

Enta da Donau, Bua, schau nur recht gnau, rinnan de Wasserl, wie Diandlaugn braun. Wald gibts und Stoana viel: Åba de Leut håm ån da Hoamat eahn Stolz und eahn Freud. Woast, wo des Fleckerl is? Brüaderl, i kenns:

Und unterm Manhartsberg, då is hålt fesch, d'Leutl san rassi und redn kinnans resch. Ebmaus då wåchsn de Troada so fein, und um de Gstettna, då bamt si da Wein. Woast, wo des Fleckerl is? Brüaderl, i kenns:

Weanawåld, Weanawåld, ållweil voll Pråcht, ob er verschneibt oder d'Sunn drüber låcht. Doppelt erscht schen, wånn de Wåldröserl blüahn oder in Hörigst de Buachabam grlüahn. Woast, wo des Fleckerl is? Brüaderl, i kenns:

Mittn durchs Landl rinnt d' Donau so stråmm, hålt wia a Bandl des Gånze fest z'såmm. Und wo's di ånlåcht am mehrastn blau, dort is der Herzpunkt vom Lånd, de Wachau. Brüaderl, wos'd schaust, umadum Liabs und Schens: